Սեղանի խաղ «Մաթեմատիկական բասկետբոլ»

Տեղեկություն «Մաթեմատիկական բասկետբոլ» սեղանի ուսուցողական  խաղի մասին

• Տարիքը՝ 6+
• Մասնակիցների քանակը՝ 1-11
• Խաղի տարբերակներ՝ 2 խմբային,
  2 անհատական

Տուփի մեջ կգտնեք՝

• 10 թղթե խաղատախտակ
• 120 փոքր խաղաքարտ
• 45 օժանդակ քարտ
• 6 մրցանակային քարտ
• պարկ
• 11-20 թվերի կազմությունը գումարման միջոցով ներկայացնող պաստառ
• խաղի կանոնների ուղեցույց

Խաղի առաքելությունը՝

• զարգացնել երեխայի մտքի ճկունությունը, ուշադրությունն ու հիշողությունը
• նպաստել 11-20 թվերի կազմության իմացության և այդ սահմանում գումարման և հանման գործողությունների կատարման ամրապնդմանը
• ստեղծել սեղանի շուրջ ուրախ և արդյունավետ ժամանցի հնարավորություն՝ ընտանիքով կամ ընկերներով

Խաղի նպատակը՝

• Հնարավորինս արագ լրացնել խաղատախտակը՝ բոլոր խաղադաշտերը ծածկելով համապատասխան քարտերով, և վաստակել առաջնության գավաթ:

Խաղի մասին՝

• «Մաթեմատիկական բասկետբոլ» սեղանի ուսուցողական խաղը նախատեսված է 6 տարեկանից բարձր երեխաների համար: Այն արդյունավետ միջոց է 11-20 թվերի կազմության յուրացումն ամրապնդելու համար:
• Տուփում առկա 10 խաղատախտակներում անդրադարձ է կատարվում 11-20 թվերի կազմությանը՝ ներառելով թե՛ կարգային անցումով, թե՛ աոանց կարգային անցման գումարման և հանման  օրինակներ:
• Տուփում կգտնեք նաև գումարման արտահայտությունների միջոցով 11-20 թվերի կազմությունն ընդգրկող պաստառ, որի օգնությամբ կարելի է ստուգել խաղի ընթացքում կատարված գործողությունների ստույգ լինելը:
• «Մաթեմատիկական բասկետբոլ» խաղը գունագեղ է, խթանող, երեխային գրավում է իր բասկետբոլային պատկերներով՝ զարգացնելով նաև վերջինիս երևակայական աշխարհը:
• «Մաթեմատիկական բասկետբոլ»-ը հնարավոր է խաղալ առնվազն 2 խմբային և 2 անհատական տարբերակներով:
• Հիշենք, որ այս տարիքում դեռևս խաղն է երեխայի հիմնական գործունեությունը, և հնարավորություն ստեղծենք, որ նա սովորի խաղալով:

Ծանոթություն 1: 1-5 խաղացողների դեպքում յուրաքանչյուրը կարող է ընտրել 2 խաղատախտակ:

Ծանոթություն 2: Անհրաժեշտության դեպքում խաղի խմբային տարբերակները կարելի է կիրառել թիմերի միջև՝ յուրաքանչյուր թիմի տալով հավասար քանակով խաղատախտակներ: